Հայաստանի մէջ Սուրիոյ դեսպանութիւնը Դիմագիրքի իր էջով կը տեղեկացնէ, որ «Աճնիհաթ Շամ» ընկերութեան օդանաւով Երեւանէն Հալէպ ղրկուած է Հայաստանի ժողովուրդին եւ Հայաստան հաստատուած Սուրիահայերու կողմէ մարդասիրական օժանդակութիւն՝ Սուրիան ցնցած երկրաշարժէն տուժածներուն համար:
Մէկուկէս թոն օժանդակութիւնը կ՚ընդգրկէ մանուկներու յատուկ դեղորայք, կաթ, բժշկական անհրաժեշտ պարագաներ, հագուստեղէն:
Դեսպանութիւնը շնորհակալութիւն յայտնած է օժանդակութիւն տրամադրողներուն եւ «Աճնիհաթ Շամ» օդային ընկերութեան՝ իրենց գործակցութեան համար:
